نہ ہو آرام جس بیمار کو

نہ ہو آرام جس بیمار کو سارے زمانے سے

اُٹھا لے جائے تھوڑی خاک اُنکے آستانے سے

NaaN ho aram jis bimaar ko saray zamanay say

Utha lay jaey thoRi khak unkay aastanay say 

تُمھارے در کے ٹکڑوں سے پڑا پلتا ہے اک عالم

گزارا سب کا ہوتا ہے اِسی مُحتاج خانے سے

Tumharey dar kay tukRoN say paRa palta hay ik aalam

Guzaara sab ka hota hay isee muhtaj khaanay say

کوئی فردوس ہو یا خُلد ہو ہم کو غرض مطلب

لگایا اب تو بستر آپ ہی کے آستانے سے

Koie Firdous ho ya khuld ho hum ko gharaz matlab

Lagaya ab to bistar aap hee kay aastaney say

نہ کیوں اُن کی طرف اللہ سو سو پیار سے دیکھے

جو اپنی آنکھیں ملتے ہیں تمھارے آستانے سے

NaaN kiuN un kee taraf Allah so so piyaar say daikhay 

Jo apni aankhaiN maltay haiN tumhaaray aastanay say

تمھارے تو وہ احساں اور نافرمانیاں اپنی

ہمیں تو شرم سی آتی ہے تم کو منہ دکھانے سے

Tumhaarey tou woh ihsaaN aur naaN farmaaniyaN apni 

HamaiN tou sharam si aati hay tum ko munh dikhaanay say

بہارِ خُلد صدقے ہو رہی روئے عاشق پر

کھلی جاتی ہیں کلیاں دل کی تیرے مُسکرانے سے

Bahaaray khuld sadqey ho rahi hay roeay-e aashiq par 

Khilli jaati haiN kaliyaN dil ki tairy muskaranay say 

زمیں تھوڑی سی دے دے بہرِ مدفن اُن کے کوچے میں

لگا دے میرے پیارے میری مٹی بھی ٹھکانے سے

ZamiN thoRi si day day behr-e madfan un kay koochay maiN 

Laga dey mairay piyaaray mairi mittee bhi thikaanay say

پلٹتا ہے جو ظاہر اس سے کہتا ہے نصیب اس کا

ارے غافل قضا بہتر یہاں سے پھر کے جانے سے

Palat’ta hay jo zaahir uss say kehta hay naseeb us ka

Arey ghaafil qaza behtar yahaaN say phir kay jaanay say 

بلا لو اپنے در پر اب تو ہم خانہ بدوشوں کو

پھریں کب تک ذلیل و خوار در در بے ٹھکانے سے

Bula lo apney dar par ab to hum khaanaN badoshoN ko

PhiraiN kub tak zaleel-o khwaar dar dar bay thikaaney say

نہ پہنچے ان کے قدموں تک نہ کچھ حُسنِ عمل ہی ہے

حسن کیا پوچھتے ہو ہم گئے گزرے زمانے سے

NaaN pahunchay un kay qadmooN tak naaN kuch husn-e amal hee hay 

Hassan kia poochtay ho hum gaye guzray zamaanay saey

نہ ہو آرام جس بیمار کو سارے زمانے سے

اُٹھا لے جائے تھوڑی خاک اُنکے آستانے سے

NaaN ho aram jis bimaar ko saray zamanay say

Utha lay jaey thoRi khak unkay aastanay say